Edukira joan

Arantzazulab

Gizarte-berrikuntzako laborategia da, hausnarketarako eta esperimentaziorako gunea. Herritarren elkargunea, gizarte bidezkoagoa, kohesionatuagoa eta gizatiarragoa lortzeko.

ARANTZAZULAB gizarte berrikuntzarako laborategia da, eta herri bezala ditugun gizarte erronkei modu berritzailean eta ikuspegi berriarekin erantzuna emateko sortu da: herritarrak eta erakundeak ahaldunduz eta eragile ezberdinen arteko elkarlana sustatuz. ARANTZAZULAB laborategiak eraldaketa sozialera bideraturiko ikerketa, esperimentazioa eta sozializazioa sustatzen ditu, lau eremu nagusitan: trantsizio ekologikoa, lana, elkarbizitza eta ongizatea.

 

 

1.Gizarte Berrikuntzako Laborategia.
2.Eragileen arteko lankidetza sustatzea.
3.Eraldaketa soziala trantsizio ekologikoan, lanean, bizikidetzan eta ongizatean.

 

 

Nola garatzen da ARANTZAZULAB?

ARANTZAZULAB-n jardunean hiru ardatz nagusi bereizten dira:

 

 

Zer lortu da edo zer lortu nahi da?

Jomuga da: gizarte justuagoa, kohesionatuagoa, lehiakorragoa eta gizatiarragoa lortzeko, Arantzazulab erreferentziazko berrikuntza nodoa eta herritarren topagune bihurtzea.

 

1.Gizarte Berrikuntzarako Zentroa sortzea (Otsaila, 2021).
2.Mintegiak antolatzea.
3.Erasmus Plus proiektuan parte hartzea.

 

 

Galdera gehiago

Bizi dugun eraldaketa sakoneko garaian herri bezala ditugun gizarte erronkei aurre egin behar diegu. Eta erronka horiei modu berritzailean eta ikuspegi berriarekin erantzuna emateko sortu da Arantzazulab: herritarrak eta erakundeak ahaldunduz eta eragile ezberdinen arteko elkarlana sustatuz. Agenda publiko berrian herritarrek duten inplikazioari eta parte-hartzeari dagokion esparruan esku hartuko du Arantzazulab-ek, administrazio publikoaren eta gizarte antolatuaren arten gobernantza eredu berriak esploratuz.

 

Gainera, gizarte justuago eta berdinago bat lortzera zuzenduriko topagunea izan nahi dugu. Arantzazulab-ek eraldaketa sozialera bideraturiko ikerketa, esperimentazioa eta sozializazioa sustatzen ditu, lau eremu nagusitan: trantsizio ekologikoa, lana, elkarbizitza eta ongizatea.

Gizarte berrikuntza laborategi bat garen aldetik, gure etorkizunaz, gure herriaz eta euskal gizartearen erronken inguruan modu berritzailean hausnartzeko eta esperimentatzeko gunea izan nahi dugu. Gaur egungo ziurgabetasun eta erronken aurrean, esfera pribatu-publiko-soziala konektatuko dituen gizarte berrikuntzako topagune bakarra izatea da gure berezitasuna.

 

Gure bisioa da: gizarte justuagoa, kohesionatuagoa, lehiakorragoa eta gizatiarragoa lortzeko Arantzazu erreferentziazko berrikuntza nodoa eta herritarren topagune bihurtzea.

Gure helburu estrategikoak hauek dira:

  • Garapen komunitarioa (herritarren parte-hartzea eta ahalduntzea sustatzea).
  • Saretzea eta elkarlana.
  • Irekiera eta nazioartekotzea.
  • Ikerketa, formakuntza eta sozializazioa.
Euskal gizartearen beharrizanak ulertuz, herritarren inplikaziotik heldu nahi diegu gizarte erronkei, eragile ezberdinen arteko elkarlanetik abiatuta. Arantzazuko tradizio historikoarekin eta balioekin bat eginda, elkargune bihurtzea da laborategiaren berezitasun nagusia, zehazki, herritarrek topagune gisa erabili ahal izateko, eta gure gizartearen beharren zein erronka nagusien inguruan esperimentatzeko, betiere, entzute eta ikaskuntza aktiboaren bidez, eta tresna berritzaileak aktibatuz.

 

Zein izango dira jorratuko ditugun jarduera batzuk? Ikerketa – oinarrizko ikerketa eta ikerketa aplikatua modu berritzailean eta elkarlanean egiteko kooperazio espazioa; Formakuntza programak; Esperimentazioa: hainbat eragileren arteko esperimentazioko proiektu partekatuak; Herritarrekin ekimenak sustatuko ditugu, enfoke eta tresna berritzaileak inkorporatuz (deliberazio espazioak, eztabaida guneak, prozesu parte-hartzaileak); Ezagutza sortu eta partekatzeko ko-sorkuntza guneak dinamizatuko ditugu; Hitzaldiak eta ekitaldiak antolatuko ditugu; Sareak bultzatuz bertako zein kanpoko eragileekin.

Gizarte berrikuntza oinarri hartuta, komunitatea ahalduntzeko, gobernantza eredu berriak sustatzeko, eta herri bezala ditugun etorkizuneko erronken inguruan ikertzeko eta esperimentatzeko topagunea izan nahi dugu. Eta hausnarketatik, ikerketatik, ko-sorkuntzatik, eta ekintzatik sortutako ezagutza horren iturri izan herritarrentzat.

 

Belaunaldi berriak eta gazteak ere erakarri nahi ditugu gizarte berrikuntzara eta gizarte ekintzailetzara ere. Arantzazulab izan dadin etorkizuneko erronken inguruan ikasteko, hausnartzeko, eta esperimentatzeko beraientzako espazio bat.

 

Partehartzaileak

Gipuzkoako Foru Aldundia / Eusko Jaurlaritza / Euskadiko Unibertsitateak / Nazioarteko sarea / Frantziskotarrak / Lurraldeko eragile sozialak / Lurraldeko eragile ekonomikoak / Gipuzkoako herritarrak