Zer da Etorkizuna Eraikiz?

Gipuzkoako Foru Aldundiak gidatzen eta bultzatzen duen ekimena da Etorkizuna Eraikiz. Ekimen honen helburua da guztion artean gaur ditugun erronkak hautematea eta horiei aurre egitea.

Etorkizuna Eraikiz ereduaren oinarrian, honako gaitasun hauek daude: gizarteari entzutea eta esperimentazioa. Horrela aukera dute askotariko pertsonek eta erakundeek lankidetzan aritzeko eta, ondorioz, lurralde hobe bat egiteko eta politika publiko jasangarriei lotutako erabakiak hartzen laguntzeko.

 

 

Nola garatzen da Etorkizuna Eraikiz ekimena?

Etorkizuna Eraikiz ekimenak 2 espazio handi ditu, 3 zehar lerro lantzen ditu eta 3 prozesu garatzen ditu, entzuteko, hausnartzeko eta esperimentazio jardueratarako:

 

 

 

 

Prozesuak

Etorkizuna Eraikiz ekimena 3 prozesutan bermatzen da:

  • Kudeaketa prozesua, proiektuak arrakastatsuak izateko eta proiektuei jarraipena emateko beharrezko laguntza tresnak eskaintzeko.
  • Gizarteratze prozesua, emaitzak partekatuko dira gipuzkoar gizartearekin (kanpokoa), GFAko langileekin (barnekoa) eta eragile espezializatuekin (akademikoa) eta politika publikoen eta gobernantzaren alorreko nazioarteko sareekin.
  • Komunikazio prozesua, kanal telematikoak eta aurrez aurrekoak erabiliz (web orria, blog, sare sozialak, eta abar) ereduko informazioa, jarduerak eta emaitzak eskala handian zabaltzeko.

Zehar lerroak

Etorkizuna Eraikiz ereduak hiru zehar lerro nagusi lantzen ditu. Hiru zehar lerro horiek funtsezkoak dira informazioa, jakintzak eta ikaskuntzak sortzeko, erronkei planteamenduak taxutzen eta konponbide zehatzak ematen lagundu dezaten. Zehar lerroak honako hauek dira:

1.Ikerketa. Jakintza biltegi bat sortzeko.
2.Nazioartekotzea. Nazioarte mailan dauden antzeko esperientziekin alderatzeko.
3.Zabalkundea. Aurrez ikertu eta esperimentatu diren irtenbideak gizarteratzeko.

 

Etorkizuna Eraikiz guneak

Gipuzkoa Taldean – Entzutea

Gipuzkoako Foru Aldundiak gizarteari “entzuteko” sortu duen espazioa da.

Erronka nagusiak honako hauek dira:

 

1.Lurraldeak epe motzera, epe ertainera eta epe luzera izango dituen erronkak hautematea.
2.Lehentasunak jasotzea.
3.Erronkei aurre egiteko proiektuen eta ekintzen garapena proposatzea.

 

Behatoki handi baten antzera funtzionatzen du, eta askotariko pertsonek eta erakundeek euren jakintza berriak eta ikuspegiak ekartzeko aukera ematen du.

Gipuzkoa Taldean erakundeak Entzute Aktiboa garatzeko dituen mekanismoak:

Think Tank
Aurrekontu Irekiak
Herritaren proiektuak
Lurralde Garapenerako Laborategiak

 

Gipuzkoa Lab – Experimentazioa

Gipuzkoa Lab esperimentatzeko eta ikasteko laborategia da, eta Etorkizuna Eraikiz, Elkarlaneko Gobernantza eredu berriaren baitan sortu da. Bertan, askotariko eragilez osatutako taldeek (unibertsitatea, nazioarteko sarea, erakundea edo enpresa, Gipuzkoako Foru Aldundia) Proiektu Esperimentalak garatzen dituzte lankidetzaren bidez. Helburua da Gipuzkoa ezagutza zeharo berriak ekoizteko eta erronkei irtenbideak bilatzeko laborategi bihurtzea, eta ezagutza horien ebaluazioa behin eginda, emaitzak politika publikoetan txertatzea.

Ezagutu gehiago Gipuzkoa Lab-eko Proiektu Esperimentalei buruz.

 

Emaitzak

Elkarrekin lan egitea eta politika publikoak egitea da Etorkizuna Eraikiz-en helburua, lurraldean dauden askotariko eragileen arteko lankidetzaren bidez proposatzen diren irtenbideak baliatuz. Egiaz, politika publikoak eraldatzen dira, oinarrian, erabidean nahiz garapenean.