YoGOE4Life

Zergatik proiektu hau?

Partzuergoa gai izan da Gipuzkoako herritarrak elikadura jasangarri eta osasungarriari dagokionez modu esanguratsuan hezteko erronka bat detektatzeko. Erronka horrek ikuspegi berritzailea eskatzen du, teknologia digitalean oinarritua, herritarren parte-hartzea barne hartzen duena.

Beraz, YoGOE4Life proiektuak lan metodologia bat sortzea proposatu du, tokiko nekazaritzako elikagaien kontsumoak eragindako balio erantsiak frogatzeko oinarri izango den gida bat lortzeko, inoiz erabili gabeko teknologiak eta prozedurak erabiliz.

Partzuergoak Goenaga Esnekiak tokiko enpresaren produktuak hautatu ditu populazio azterketa espezifiko bat egiteko. Enpresa horrek A2 behi esne pasteurizatuko jogurt naturala egiten du eta, produktu horren ezaugarriak eta nutrizio osaera kontuan hartuta, goi mailako produktuen eredu da. Azterketa horren helburua da aldagai fisiologiko jakin batzuk neurtzea, garrantzi handiko nutrizio eta ongizate informazioa lortzeko, Gipuzkoako herritarrak elikadura jasangarriaren eta dieta osasungarrien inguruan sentsibilizatzeko eta kalitatezko bertako produktu jasangarrien kontsumoa sustatzeko, horien ekoizpena aitzindaria baita eskualdean. Helburu talde gisa, partzuergoak 50 eta 60 urte bitarteko emakumeak aukeratu ditu, gehienak perimenopausiaren bizitzako etapan baitaude. Partzuergoak uste du oso populazio talde esanguratsua dela Gipuzkoan, eskualdeko batez besteko adina dela eta, erraz identifika daitekeena eta etapa horretan haien osasuna funtsezkoa izango dena zahartze osasuntsua izan dezaten.

Proba egiteko tresna teknologiko bat erabiltzea aurreikusten du proiektuak; biosentsore bat da (GPS gailu metabolikoa), eta haren helburua da egunero jogurt bat jateak sistema metabolikoan duen eragina kontrolatzea, aldagai fisiologikoen jarraipenaren bidez.

Nola egin dugu?

Lehenik eta behin, partzuergoak Goenaga Esnekiak enpresaren produktuak taggeatu ditu Glucovibesen datu baseetan, etorkizunean aztertu ahal izateko. Horrez gain, jogurta barne hartzen duten errezetak eta nutrizio planak prestatu ditu, lehendik dauden planen bilduman txertatzeko, eta azterlanean parte hartzen dutenek eskura izan ditzaten populazioari buruzko azterketa egiten den bitartean.

Bestalde, proiektuak Gipuzkoako eskualde guztietara zabaldu dira, proiektuaren berri emateko eta populazio azterlanean parte har dezaketenak erakartzeko.

Emakume boluntarioen eskaerekin, partzuergoak 45 eta 55 urte bitarteko 20 emakumeko talde bat hautatu du. Emakume horiei sentsorea jarri diote eta Glucovibes esperientziaren bi asteak betetzeko behar adinako jogurt sorta banatu zaie. Azterlanean parte hartzen dutenek txosten metaboliko pertsonalizatua eta nutrizio plan bat jasoko dituzte, bakoitzaren testuinguruaren, beharren eta helburuen arabera pertsonalizatutako jarraibideekin.

Partzuergoak azterketan zehar bildutako datuak aztertuko ditu, kalitatezko nekazaritzako elikagaien balio erantsiak erakusteko balioko duen oinarrizko gida bat sortzeko, kalitatezko produktuekin elikatuz osasuna hobetzeko.

Azkenik, partzuergoak frogatzeko oinarrizko gida sortzeko lan metodologiaren eraginkortasuna zehaztuko du, eta proiektuaren emaitzak zabalduko ditu.

Zer ekarpen egin du proiektuak?

Orain arte, proiektuak interes handia piztu du, komunikabide askotan ateraz, eta proposamena izaera sozialeko proiektu berritzaile gisa ikusten du jendeak. Azterlanean parte hartu dutenen ikuspegitik, interes eta kezka handia antzeman da elikadura ohiturek eta eguneroko bizitzak maila metabolikoan dituzten ondorioak ezagutzeko, bai eta Goenaga jogurt naturala jateak dakartzan ondorioak ezagutzeko ere. Parte-hartzaileek asko ikasi dute eguneroko ohiturei buruz.

Une honetan, partzuergoa buru-belarri ari da biztanleriaren azterketan bildutako datuak aztertzen. Datu horiek laster jakinaraziko dira proiektua zabaltzeko jardunaldi batean.