Ijitook ere

Zer lortu nahi dugu?

"Ijitook ere" Kera emakumeen Ijito Elkartearekin lankidetzan aurkeztutako proiektua da. Gipuzkoako aniztasunaren erronkari erantzuten lagundu nahi du, desberdintasun egoeran dauden pertsonen erabateko gizarteratzea, horien artean ijitoena, kontuan hartuta.

"Ijitook ere" proposamenak erreferentziazko ijitoek gidatutako hainbat jarduera proposatzen ditu, etorkizun hobea proiektatzeko Gipuzkoak aurrean duen bizikidetzaren eta aniztasunaren erronkan premia handiena duen pertsona talde baten artean, gipuzkoar guztien artean erabateko gizarteratzea, onarpena, aintzatespena eta errespetua lortzeko.

Nola lortuko dugu?

Proiektuak 3 programa ditu:

• "ORIPANDÓ-planetarioko esperientziak": espazioak egituratzen dira haurrekin eta ikasle gazteekin (ijitoak eta ijitoak ez direnak), arlo akademikoan, parte-hartzailean eta lan arloan erreferente diren ijitoen bizi esperientziak ezagutzeko. Espazio horietan, haien etorkizuneko garapen pertsonala eta soziala argituko duten aurretiazko alderdi garrantzitsuak landuko dira.
• "NAKERANDO-laborategiko topaketak": eskola aldia amaitu duten eta langabezian dauden ijito gazteen taldeak dinamizatuko dira, autoestimua, autokonfiantza, ahalduntzea eta enplegua bilatzeko eta gizartean parte hartzeko oinarrizko gaitasun eta trebetasunen ikaskuntza bezalako kontzeptuak lantzeko helburuarekin.
• "DIKELA-behatokiko praktikak": ijitoen enplegagarritasunari buruzko datuetatik eratorritako egoera eta beharrak aztertzeko eta azterketak egiteko aukera emango digun arlo tekniko bat sortzea.

Zer ekar diezaguke?

Erronka nagusia da Gipuzkoa hobea egiten lagundu ahal izatea, aniztasunaren erronkari aurre egiteko orduan parte aktiboa izan baitaiteke bizikidetza hobetzeko eta Gipuzkoako pertsona guztien gizarteratzea errazteko, baita gizarte desabantailako egoeran daudenena ere, horien artean ijito asko daudelarik.

Helburu horrekin, 2030 Agendan eta GJHetan aurrera egiten laguntzen dugu, eraginak biderkatuz aliantzen bidez, inguruko beste erakunde batzuk bultzatuz eta garapenerako nazioarteko lankidetzarekin konprometituz.