Hidrogenoaren ekoizpenaren kudeaketa adimenduna

Zergatik proiektu hau?

Funtsezko ikerketa proiektu honen esparrua hidrogenoaren ekoizpenaren kudeaketa adimendunean oinarritzen da, ibilgailu elektrikoa kargatzeko puntuei eskala txikian laguntza energetikoa emateko, Gipuzkoako mugikortasun berriari buruzko eremu programatiko zehatzetan. Bestela esanda, proiektu honen helburua da hidrogenoa ekoizteko sistema eraginkor eta jasangarri bat garatzea eta ibilgailu elektrikoak kargatzeko puntuetarako energia iturri gisa erabiltzea, CIFP Usurbil LHIIren instalazioetan, horretarako dugun berariazko espazioan.

Proiektu honen atzean dagoen motibazioa Gipuzkoan mugikortasunerako eta, zehatzago, ibilgailu elektrikoak energiaz hornitzeko irtenbide energetiko jasangarri eta garbiak aurkitzeko premia gero eta handiagoan datza. Ibilgailu elektrikoak erregai fosilekin funtzionatzen duten ibilgailu konbentzionalen alternatiba ekologikoagoak diren arren, oraindik ere erronkak dituzte kargatzeko azpiegiturari eta bateriaren autonomiari dagokienez. Hidrogenoa energia iturri garbia da, eta haren ekoizpen eta biltegiratze egokia irtenbide bideragarria izan daiteke ibilgailu elektrikoak kargatzeko puntuak modu eraginkorragoan eta jasangarriagoan hornitzeko; halaber, erabiltzaileei alternatiba bideragarria eta jasangarria eskainiko litzaieke.

Proiektu honen beharra Gipuzkoan mugikortasun jasangarriagoa eta ingurumena gehiago errespetatzen duena sustatzean datza. Ibilgailu elektrikoak erabiltzeak berotegi efektuko gasen emisioak murrizten eta airearen kalitatea hobetzen laguntzen du. Hala ere, ibilgailu elektrikoak pertsona gehiagorentzako aukera bideragarria izan daitezen, ezinbestekoa da kargatzeko azpiegitura egokia eta kargatzeko puntu horiek hornitzeko energia iturri fidagarri eta jasangarria izatea. Hor sartzen da jokoan hidrogenoaren ekoizpenaren kudeaketa adimenduna, eraginkorra izan daitekeen irtenbide gisa.

Nola egin dugu?

Jarduera nagusiak bi hauek izan dira:

1. EKINTZA: HIDROGENOAREN EKOIZPENAREN KUDEAKETA ADIMENDUNA IKERTZEA, IBILGAILU ELEKTRIKOA KARGATZEKO PUNTUEN ESKALA TXIKIKO LAGUNTZA ENERGETIKOA EMATEKO, LABORATEGI INGURUNE BATEAN, GURE LIVING-LABEAN

• Ekoizpenaren optimizazioa, biltegiratzea eta banaketa, energia elektrikoaren sorrera, datuen monitorizazioa eta analisia aztertzea.
• Ekoizpena optimizatzea: Algoritmoen eta kontrol sistema adimendunen bidez, hidrogenoaren ekoizpena ibilgailu elektrikoak kargatzeko puntuetako energia eskariaren arabera doitu daiteke. Horrek esan nahi du hidrogenoaren sorrera orekatu behar dela ibilgailu elektrikoak elikatzeko behar den kantitatearekin, eta gehiegizko ekoizpena edo eskasia saihestu behar direla.
• Biltegiratzea eta banatzea: Ekoitzitako hidrogenoa depositu edo biltegiratze sistema egokietan gorde daiteke, kargatzeko puntuak elikatzeko behar den arte. Kudeaketa adimendunak biltegiratze mailak kontrolatzea, eskaria aurreikustea eta hidrogenoa karga puntuetara eraginkortasunez banatzea eskatzen du.
• Energia elektrikoa sortzea: Hidrogenoa zuzenean erregai pila duten ibilgailuetarako erregai gisa erabiltzeaz gain, erregai pila geldikor baten bidez elektrizitatea sortzeko ere erabil daiteke. Sortutako elektrizitate hori ibilgailu elektrikoak kargatzeko sistemak elikatzeko erabil daiteke, bereziki eskari handiko uneetan.
• Datuen monitorizazioa eta analisia: Hidrogenoaren ekoizpenari, kontsumoari, biltegiratzeari eta banaketari buruzko datuak eta erregai pilen errendimenduari eta karga puntuei buruzkoak denbora errealean biltzeak, aukera ematen du sistemaren analisi zehatza egiteko eta etengabe optimizatzeko. Adimen artifiziala eta ikaskuntza automatikoa eraginkortasuna eta erabakiak hartzeko modua hobetzeko erabil daitezke.
• CIFP Usurbil LHII zentroko living-lab SmartMobilityn ikasketak eta baliozkotzeak egin ahal izateko materiala eta ekipamendua erostea. Zentro hori erreferentea da energia berriztagarrietan, eta inguruko ikasleen, irakasleen eta ETEen topagunea da.

2. EKINTZA: EZAGUTZA TEKNOLOGIKOAK ZABALTZEA ETA EZAGUTZA HORIEK INGURUKO ETEEI TRANSFERITZEA - LIVING LAB SMARTMOBILITY-ERAKUSTALDI TEKNOLOGIKOA

• Inguruko ETEei bideratutako eta zuzendutako sentsibilizazio eta ezagutza transferitzeko ekintzak diseinatzea. Horretarako, jardunaldi tekniko presentzialak eta birtualak, webinarioak… egingo dira streaming bidez, interesa duten guztiei parte hartzea errazteko. Gure “living-lab SmartMobility” instalaziora bisitak ere programatuko dira, bertan ikus dezaten, modu errealean, nola kudeatzen diren halako eredu berritzaileak.
• Instalazioa monitorizatzea, haren kudeaketaren erakustaldia ikusgarriagoa izan dadin.
• Jardunaldi teknikoak garatzea, inguruko ETEei, ikasleei, irakasleei eta, oro har, herritarrei ezagutzak transferitzea sustatzeko.
• Jardunaldi teknikoak, hidrogenoaren ekoizpenaren kudeaketa adimendunari buruzko ezagutzak transferitzeko, ibilgailu elektrikoa kargatzeko puntuen eskala txikiko laguntza energetikoa emateko.
• Gure “living-lab SmartMobility” instalaziora bisitak, bertan ikus dezaten, modu errealean, nola kudeatzen diren energia kudeaketa eraginkorreko eredu horiek.

Zer ekarpen egin du proiektuak?

Proiektu honen ekarpenen artean, honako hauek nabarmentzen dira:

• H2ren (hidrogeno berdea) teknologiari buruzko ezagutza handitzea.
• Energia ekoizpenaren eta kontsumoaren kontrola, H2 (hidrogeno berdea), FV (eguzki energia fotovoltaikoa) eta ibilgailu elektrikoa kargatzeko puntuak.
• Energia eraginkortasunez erabiltzea eta aurreztea.
• Berrikuntza H2 (hidrogeno berdea) sortzean eta kontsumitzean.
• Lan batzuk automatizatzea.