GeroLab Eraikiz

Zer lortu nahi dugu?

Gazteen emantzipazioa eta independentzia ekonomikoa egungo gizartearen erronka garrantzitsuenetako bi dira. Gipuzkoa errealitate horretatik kanpo ez dagoenez, proiektuak diseinuko, esperimentazioko, kontzeptualizazioko eta belaunaldien arteko hedapeneko laborategiak eta praktikak garatzea proposatzen digu, etorkizuneko erronkei erantzuteko. Erronka horiek, zehazki, gazteen berezko erronkei (emantzipazioa eta gazteen independentzia ekonomikoa) eta belaunaldien arteko lankidetzaren erronkari lotuta daude.

Nola lortuko dugu?

"Real Life Learning Labs" eredua modu esperimentalean aplikatuz; elkarlanerako ariketa prospektiboa da, Gipuzkoak gazteriaren eta belaunaldien artean dituen etorkizuneko erronka estrategikoei erantzungo dieten politika publikoak eta zerbitzuak eraikitzen laguntzeko. Proposatutako ereduak ekintza berritzailea sustatzeko aukera ematen du, bi prototiporen bidez:

• "Emantzipazioa, gazteen independentzia ekonomikoa" ekintza-eremuaren prototipatu orokorra.
• Belaunaldien artekotasuna" ekintza-eremuaren prototipatu orokorra. Bestalde, GeroLab.

Eraikizek honako hau planteatu digu:

• Nazioarteko esperientzia praktiko onenen analisi prospektiboa garatzea.
• Gazteen eta seniorren eremuan eragina eta lidergoa duten kolektiboak identifikatzea eta sortzea.
• Esku hartzeko metodologiaren eta euskarri-materialen "GeroLab Eraikiz" esparru kontzeptuala garatzea.
• Gazteen eta seniorren komunitateak benetan konektatzea.
• Eredua eta dinamika Gipuzkoako lurralde osora eskalatzea eta zabaltzea.

Zer ekar diezaguke?

Proiektuari esker, Gipuzkoako gazteen emantzipazio- eta independentzia-maila ekonomikoak hobetuko dira, eta politika orokorrek egiturazko helburuak lortzen lagunduko dute. Bestalde, belaunaldien arteko lan-eremuaren bidez, pertsona guztien potentziala garatzeko eta aprobetxatzeko bitarteko bat eskaintzen digu, bai eta elkarrengandik ikasteko aukera ere, eta, aldi berean, partaidetza eta elkartasuna bezalako balioak sustatzen dira.