Ekin Adinari

Zer egin nahi dugu?

Ekin Adinari-ren helburua da gaitasun batzuk sortzea, lurraldeko enpresetan adina kudeatzeko praktiketan erabiltzeko, aukera emango duena adina kudeatu eta ezagutza transferitzeko eredu berri bat sortu eta aplikatzeko, enpresa bakoitzaren errealitatera egokitua.

Nola lortuko dugu?

Hiru fasetan egingo da:

• Lehenengo fasean, datuak bilduko dira, diagnostiko bat egin eta ezagutza berria sortzeko, lurraldeko enpresetan egiten den adinaren kudeaketari eta ezagutzen transferentziari dagokienez.
• Bigarren fasean, adina kudeatzeko eredu berri bat sortu eta martxan jarriko da Gipuzkoako enpresa batzuetan.
• Hirugarren fasean, emaitzak bildu eta ondorioak aterako dira.

Zer ekar diezaguke?

• Enpresen sentsibilizazioa, adina kudeatzeko tresnak edo metodologiak erabiltzearen garrantziari dagokionez, kontuan harturik bai enpresa uztera doazen pertsonak bai lanean hasiko direnak.
• Ezagutzaren transferentzia erakunde batean diharduten belaunaldien artean.