Belaunaldien arteko Legazpia

Zer lortu nahi dugu?

Proiektu honen bidez, Pasaiako herritarrentzako belaunaldien arteko elkartrukerako, esperimentaziorako eta lankidetzarako gune ireki baten osagai eta zerbitzuen azterketa garatu nahi dugu, etorkizuneko Adinberriren egoitzaren testuinguruan. Adinberri Gipuzkoako Foru Aldundiko zahartzearen estrategiak hobeto kudeatzen laguntzen duen berrikuntza unitatea da.

Nola lortuko dugu?

Pasaiako gune irekiaren prototipo orokorra egingo dugu, Real Life Learning Lab laborategi esperimental baten bidez, Mondragon Unibertsitateko ikasleekin batera. Gainera, herritarrekin parte- hartzeko prozesuak eta ideia-lehiaketa egingo dugu. Prozesu horietatik ateratako informazioarekin, Pasaiako zentro irekia garatzeko aukera sorta bat zehaztuko da. Halaber, garrantzitsua da inguruko erakunde publiko eta pribatuekin lankidetzan aritzea.

Zer ekar diezaguke?

Proiektu honek Gipuzkoako biztanleriaren zahartzearen erronkari erantzun nahi dio, belaunaldien arteko harremanean oinarritutako paradigma aldatuz. Gainera, Gipuzkoako gizartearen lankidetza, ekimena, lankidetza eta elkartasuna indartuko ditu.

Zer lortu dugu?

Proiektua garatuaz bat, honako ikasketak eta lorpenak burutu ditugu:

• Zer den belaunaldien arteko gune bat.
• Zeintzuk diren nazioarte mailan dauden esperientzia praktiko hoberenak.
• Nola osatu daitekeen “Belaunaldien arteko gunea” eredu orokor hori Gipuzkoarako.
• “Belaunaldien arteko gunea” eredu orokor hori Gipuzkoako herri askorentzat baliagarria izan daitekeela ikusi izan dugu.
• Nola egokitu daitekeen eredu orokor hori Gipuzkoako herrietara, eta zehazki Legazpira.
• Nola txertatu daitezkeen “Belaunaldien arteko guneen” jarduerak ADINBERRI Fundazioaren estrategiarekin.
• “Belaunaldien arteko gunea” eredu orokorra nola antolatu, kudeatu eta dinamizatu daitekeen Gipuzkoa osorako baliagarria izan dadin.