Azitain Elkarbizitza

Zer lortu nahi dugu?

Eibarko Azitain Oinarrizko Lanbide Heziketarako Udal Institutuan, hezkuntza bazterketako egoeran dauden 13-18 urteko kolektiboak biltzen dira. Azitain OLHUIren Hezkuntza Konplexutasunaren Indizea % 90 ingurukoa da, EUSKAL HEZKUNTZA SISTEMAREN 2021EKO DIAGNOSTIKOAN ezarritako irizpideen arabera.

Testuinguru horretan, Azitain OLHUIn, garapen pertsonal orekatu eta osoa lortzeko oinarrizko gaitasunak ikastea zailtzen duten errealitateak antzematen dira; izan ere, ikasleek, gehienbat arrisku egoeran eta gizarte bazterketako egoeran dauden kolektiboetakoak, arazoak dituzte, hala nola nortasun gatazka, hezkuntza bazterketa, talka kulturala eta osasun mentaleko arazoak. Horrek guztiak eragina du eta agerian uzten ditu ikasturtean izandako portaera arazoak.

Horregatik, esku-hartze integral bat proposatzen dugu, ikastetxearen funtzionamendua, ikasleen portaera eta familia barruko harremanak hobetzeko alderdietan eragingo duena, bai eta ikastetxearen eta familien arteko harremanetan eta parte-hartze komunitarioan.

Nola lortuko dugu?

Baterako sorkuntzako eta lankidetzako partaidetzako aliantza baten bidez, non aktiboki inplikatzen diren komunitateko kideak eta tokiko eragileak, hirugarren sektoreko erakundeak, erakunde publikoak eta pribatuak.

Funtsezko jarduerei dagokienez, proiektuak hainbat jarduera eta ekimen bilduko ditu, hala nola:

• Ikastetxearen eta ikasleen testuinguruan esku hartzea.
• Banakako esku-hartzea (gizarte eta ezkuntza arloko laguntza).
• Ikasleen zailtasun egoerak antzematea, kontrol emozionala biofeed-back bidez.
• Bizimodu osasungarriak sustatzea, etab
• Familietan eta ingurunean esku hartzea («Josten eta partekatzen» ikasleen emakume/ama/familientzat).

Zer ekar diezaguke?

Eibarko Azitain OLHUI elkarbizitzarako eta errespeturako gune bilakatzea, gazteek prestakuntza prozesu egokia izan dezaten eta, ikastetxeko giroa eta bizikidetza hobetzeaz gain, haien eta haien familien eta ingurukoen bizi kalitatea hobetzea lortu dadin, oinarrizko zerbitzuak, hala nola hezkuntza eta aukera ekonomiko eta sozialak, eskuratzeko aukera handiagoa izan dezaten.

Gizarte eta hezkuntza arloan esku hartzeko eredu bat diseinatzea gizarte eta hezkuntzako ezaugarri horiek dituen ikastetxe batean, eredu hori beste ikastetxe batzuetan ezartzeko erreferente izan dadin.

Proiektuan parte hartzen duten erakundeen eta pertsonen artean sortutako lankidetza eta konfiantza harremanak indartzea eta sakontzea.