Debagoiena social innovation platform: community listening

Zer lortu nahi dugu?

Ekimen hau Debagoieneko eskualdeko Berrikuntza Plataformaren barruan kokatzen da. Plataforma horren helburua lurraldeko erronka ekonomiko, sozial eta ekologikoei erantzutea da. Gizarte Berrikuntzako Plataformarekin lurraldeko hainbat eragile biltzen saiatzen gara (mankomunitateak eta udalak, enpresa kooperatiboak, gizarte- eta hezkuntza-eragileak), lurraldean ditugun erronkei erantzun partekatua eta kolektiboa emateko. Helburu nagusia da herritarren eta eskualdeko eragile nagusien kontakizunak identifikatzea, interpretazio kolektiboak garatzea eta eraikuntzako dinamika kolektiboak sortzea.

Nola lortuko dugu?

Lurralde-berrikuntzaren ikuspegitik, proiektuaren helburu nagusia hiru dimentsio garatzea da:

• Komunitateari entzutea: herritarrek narratibak elkarrekin eraikitzeko dituzten balioak eta nahiak identifikatzea.
• Baterako sorkuntza: entzuteko dinamikaren ondoriozko balioetan eta beharretan oinarritutako proiektu alternatiboak identifikatzea.
• Prototipatzea: baterako sorkuntzan identifikatutako proiektu-aukeren garapena eta esperimentazioa.

Zer ekar diezaguke?

Proiektuaren ekarpen nagusia Gipuzkoako Lurralde Historiko osorako inspirazio-iturri izan daitezkeen praktika berritzaileak hautematean datza. Kasu zehatz honetan, Debagoiena eskualdea laborategi aurreratu bihurtzen da, gobernantza eta lurralde-garapena bezalako esparruetan praktika berritzaileak esperimentatzera bideratua. Era berean, esperientzia erreplikatzeko eta eskalatzeko baldintzei buruzko ezagutza berria eman nahi digu proiektuak.