“Birsortu” is a project seeking to implement an educational, cultural and social process for children, by giving them material that has been discarded by industry and upgraded.
Zer lortu nahi dugu?
Birsortu proiektua haurrei zuzendutako hezkuntza-, kultura- eta gizarte-prozesu bat bultzatzeko garatu da. Horretarako, industriak baztertutako materialari (zura, papera, metala, plastikoa, oihala, haria, etab.) balioa eman eta haren eskura jarri da, beren ikerketa eta esperimentazio-nahia sustatzeko eta sormena lantzeko. Birsorturen helburuak hauek dira:
- Debagoienan Remida eredutzat duen esperientzia pilotoa abian jartzea.
- Haurrekin hezkuntza-, kultura- eta gizarte-prozesu bat bultzatzea, industriak baztertutako materialari balioa emanez (zura, papera, metala, plastikoa, oihala, haria, etab.).
- Enpresetan berrerabiltzen ez diren materialak neska-mutilen eskura jartzea, ikerketa eta esperimentazio-nahia bultzatzeko.
Nola lortuko dugu?
Birsortu Remida proiektuan oinarritzen da. Remida Reggio Emilian (Italia) sortutako proiektu kultural eta pedagogikoa da, iraunkortasuna, sormena eta berrerabilitako objektuen ikerketa ardatz dituena. 2018-2019 ikasturtean, “material berrerabiliekin sortutako espazioa” izeneko proiektu pilotoa jarri zen martxan (Emaus Gizarte Fundazioak eta Hik Hasik, Garapenerako Lankidetzaren Euskal Agentziaren laguntzarekin egina). Honen arrakasta ikusita, eskaintza Gipuzkoa osora zabaltzea erabaki zen. Horretarako, Debagoienean ezartzen hastea erabaki zen.
Zer ekar diezaguke?
Birsortu proiektuak lurraldeko eragileak dinamizatzeko prozesuak aktibatzen ditu, Gipuzkoaren eraldaketa sozial eta ekonomikorako, hezkuntzaren eredu pedagogikoa eta eredu ekonomikoa ekonomia zirkularrerantz aldatzearekin bat. Era berean, Debagoienako eskualdean garatuko den esperientzia horren eragin biderkatzailea dela eta, proposamenetik ateratako ikaskuntza eta gakoak erreferente gisa erabiliko dira lurralde osora hedatzeko.
2019
- Xangorin Koop.elk.txikia