Providing accessible technologies, giving maximum priority to usability and the experiences of users, providing intelligence for data and facilitating the use of the most innovative technology for people working at the institution and the people of Gipuzkoa.
Zergatik egiten dugu?
Helburua Gipuzkoa lurralde adimentsu gisa sustatzea da, non teknologiak pertsonen bizitza eta Administrazioarekin duten harremana errazten lagunduko duen. Administrazioa aro digitalean ezartzean, izapidetze elektronikoa da ohiko jarduna, bai barruan, bai herritarrekiko harremanean, bai administrazio publikoen artean. Adimen artifizialaren etorkizuna nahitaez lotuta dago Big Datarekin. Informazioari eta datu horien kudeaketari irtenbidea emateko sortzen ari diren aplikazioek eta erabilerek aurrerapen handiak ekarri dituzte bai teknologian, bai enpresan, bai herritarren bizi-kalitatean.
Zer lortu nahi dugu?
- Gipuzkoako Foru Aldundiaren zerbitzuen arloan 2 proiektu izatea, adimen artifizialaren erabilera errealitate izan dadin.
- Big Datako eta Datuen Analitikako proiektu bat abian jartzea, antzeko proiektu berrien oinarriak ezartzeko.
- 6 dibulgazio-saio egitea, bai Aldundiaren beraren barruan, bai Gipuzkoako gizarteko eragile pribatuekin eta publikoarekin, oro har.
- Foru Arau bat garatzea, aldundian Big Data, Adimen Artifiziala eta Datuen Analitikako soluzioak erabiltzeko oinarriak ezartzeko.
Nola lortuko dugu?
- Adimen artifizialean eta Big Datan oinarritutako proiektuak identifikatzeko intereseko eremuak hautatuz.
- Ezagutza sustatuz eta gaiarekin lotutako informazioa eta ezagutza zabalduz, bai GFAko langileekin, bai gizartearekin.
Zer ekar diezaguke?
- Adimen Artifiziala eta Big Data erabiltzeko edukiak arautuko dituen erreferentziazko araudiaren azterketa.
- Hala badagokio, datuen erabileraren eta erabilera-terminoen euskarri den arau-multzoa garatzea.
- Foru Arauaren proposamena egitea.
2020